//成日話要有一技旁身，呢單野其實係真。原來你儲落儲落嘅能力，唔知會喺邊刻湊巧。可能你識唱歌，識跳舞，識摺紙，只要唔係偏門到珠心算，都有佢表演嘅機會。只要你能夠捉緊機會，你捉緊嘅就係對方嘅心。//
《EP08 - 我在場有悶場的話 表演你看嘛》
做運動嘅女人，永遠都係吸引。
喺我矇住眼嘅時候，完全唔知自己進入左健身室，更加無想像過會遇到一位好似Arial咁嘅女教練。雖然我要做嘅係跟Arial學健身，但事實係我只能專注喺佢個人身上。
你可能比人問過你鍾意咩類型嘅女仔，當刻嘅我可以好肯定咁答：做運動嘅女仔。S型嘅線條、陽光嘅笑容、主動嘅親近，你夠膽話有一樣係你唔鍾意嘅？呢啲通通都喺Arial身上搵到。
媽呀！點頂呀～
傾傾下，我都發現自己已經無刻意去區分我究竟講緊國語定廣東話。喺你有好感嘅人面前，你只係會用盡所有方法黎引佢笑，包括再騎呢嘅肢體語言。
成日話要有一技旁身，呢單野其實係真。原來你儲落儲落嘅能力，唔知會喺邊刻湊巧。可能你識唱歌，識跳舞，識摺紙，只要唔係偏門到珠心算，都有佢表演嘅機會。只要你能夠捉緊機會，你捉緊嘅就係對方嘅心。
喺Arial面前，初學無耐嘅beatbox加上youtube sir教嘅舞步，已經足夠加分。我地嘅關係唔止一日千里，直頭係一分鐘千里。可惜拍攝完已經入夜，如果能夠去埋夜市玩嘅話，我地嘅第一次見面就更perfect池。
Arial參數
攻擊力：*
防禦力：*
續航力：*****
親和力：*****
摩擦力：*****
［待續］
====================================
ViuTV
波盛
Arial 艾莉兒
+886MM 逢星期五晚 免費電視99台 ViuTV
重溫：http://viu.tv/encore/886-mm
#viutv #886MM #波盛 #Arial莉兒 #高成個頭 #應該可以掉你掉得很高的 #就咁睇以為挨左落波仔心口 #發夢啦你 #挨塞鵝脾罅都未挨你
Search